Día do libro

 

O Día do Libro é un acontecemento que se celebra o 23 de abril e que coincide co falecemento de Miguel de Cervantes, William Shakespeare e o inca Garcilaso de la Vega en 1616.

O voluntariado da Biblioteca e o alumnado do Club de Lectura realizou unha exposición "Celebramo o Día do Libro, lendo os clásicos" na que fixo unha selección de obras clásicas presentes na nosa biblioteca.

O alumnado de 1º de ESO ilustrou os clásicos con carteis informativos sobre personaxes destacados da literatura universal, ilustracións que acompañaron á exposición.

No corredor do centro recolleron as recomendación lectoras de todo aquel que as quixo compartir.

OBRADOIRO DE TEATRO

Entre as actividades realizadas para celebrar o Día do Libro e tamén o Día do Teatro, o Equipo da biblioteca organizou para o alumnado de 2º de ESO  un obradoiro de teatro impartido polo actor e músico Vadzim Yukhnrvich, no que aprenderon técnicas de presenza corporal, quecemento da voz, xestión da respiración ou a transmitir emocións co noso corpo. 

Neste obradoiro convertéronse en samurais, en meigas, tiveron turbulencias nun avión e ata cruzaron un río con pedras.

Traballos O caso do falso accidente.

Traballos Xoaniña de Deus

A continuación expóñense os vídeos que elaborou o alumnado do Club de lectura do libro "Xoaniña de Deus" como parte da actividade "Un percorrido pola vida dos meus avós/avoas".

Isabella entrevista a súa nai

Carmen entrevista a súa avoa

Xiana entrevista ao seu avó

María Vila entrevista ao seu pai

Sara Vaz entrevista á súa avoa

Tania entrevista á súa avoa

Traballos Un elefante na sala de estar

 Aquí podedes ver os excelentes traballos que fixeron os membros do Club de lectura que escolleron o libro Un elefante na sala de estar.

Como actividade, a partir do proverbio hindú que se explica no libro, cada alumna investigará os diferentes punto de vista que teñan diferentes persoas sobre alguén que elixan. Reflexionaremos: de verdade alguén é capaz de coñecer 100% a alguén? 

Proverbio hindú: Catro sabios cegos querían saber como era verdadeiramente un elefante e pedironlle ao rei que lles deixase tocar un. Un tocou a cola do elefante e dixo: un elefante é coma unha corda. Outro tocou o bandullo e dixo: un elefante é coma un tambor. Outro tocou a orella e dixo: un elefante é coma un abano. O último tocou unha das patas e dixo: un elefante é coma o tronco dunha árbore. Como non se poñian de acordo preguntáronlle ao rei cal deles os catro dicía a verdade e o rei contestou asi: o que cada un de vós dixo é unha cousa certa, pero todos estades equivocados. Un elefante é a suma de todo iso e, se ademais de vós houbese aquí catro sabios máis, outras catro outras cousas sería.

Miguel investigou sobre o seu pai

Traballo de Noelia que investigou sobre Naiara

Reunión O caso do falso accidente de Jordi Sierra i Fabra

Nestas reunións, o alumnado foi tratando de adiviñar quen era a persoa á que a protagonista debía descubrir, quen foi quen intentou asasinar ao seu pai, como o fixeron e como podería obter probas para inculpar a alguén. En xeral, estiveron de acordo en que o libro lles gustou pola intriga de querer chegar ao final e que é un libro que non aburre pola gran cantidade de acción nas súas páxinas.

Como traballo, propúxoselles que cada un deles escribira un guión da súa escea favorita e que a representasen nun vídeo, convertíndose así en parte da historia do libro.

Club de lectura adultos- A trenza

  As participantes do club de lectura reuníronse para falar sobre o libro A trenza. Esta obra relata a vida de tres. Mulleres en tres puntos diferentes so planeta e con vidas completamente diferentes: a India, Sicilia e Canadá. Cada unha delas loita por facerse un oco nun mundo no que ser muller non é tarea fácil e onde ao final do libro as tres historias entrelázanse como unha trenza.

Día da poesía

 O Día Mundial da Poesía é celebrado cada ano o 21 de marzo e para conmemorar este día  o alumnado de 1º de ESO compuxo acrósticos na clase de Lingua Castelá. Despois escribiu en cartolinas tanto eses poemas coma outros de escritores recoñecidos (Bécquer, Juan Ramón Jiménez, Gil de Biedma, Gloria Fuertes ...) e ilustráronos. Cos seus traballos fíxose unha exposición a carón da biblioteca.

Ademais os voluntarios  e as voluntarias da biblioteca realizaron uns vídeos moi creativos nos que recitaban poemas de autoras galegas.

Poema de Luísa Villalta recitado por Nadira.

 

Vídeos realizados pola alumna de 4º de ESO de Ana Mateo

Poemas de Rosalía de Castro 

"Follas Novas"

Poema III de Cantares Gallegos

O voluntariado da biblioteca e club de lectura seleccionou obras de poetas galegas de todas épocas que expuxo no corredor que está a lado da Biblioteca.