Este mes está sendo esgotador... non hai tempo nin para unha entradiña no blog...
Ata finais da semana podedes aproveitar o Mercado do Libro de segunda man, que, como sabedes está no "recuncho Castelao"; non deixedes de botarlle un ollo aos materiais que aparecerán alí, á vosa disposición ao mini prezo dun euro, entre os días 18 e 19... levarédesvos algunha sorpresa.
Sinto ter que comunicarvos que Xosé Estévez, finalmente non vai estar nestas datas en Quiroga, polo que haberá que adiar a xuntanza que tiñamos prevista facer con el para comentar os Sonetos ao Val de Quiroga (sección adultos/as) e a segunda parte da charla sobre Manuel María e Quiroga, que ía destinada en exclusiva ao alumnado do Club de Lectura e aos membros do EDNL.
Xosé ten esta semana unha axenda moi intensa en Euskal Herria, falando do seu amigo Manuel María e a relación que mantivo con ese territorio peninsular. Deixovos aquí uns enlaces para que vexades que o Día das Letras se conmemora en moitos espazos xeográficos, non só en Galicia.
PD: xa vistes as fotos do roteiro do día 5 de maio, que están colgadas no facebook? Non volas perdades!!! Aquí deixamos outra desa serie, para que se vexa ben canto traballastes nesa andaina... ata cando estabades en repouso!
No hay comentarios:
Publicar un comentario