Samaín

 

Biblioquiroga convoca un novo concurso

Aquí tedes algunhas das cabazas que participaron no concurso. Son terroríficas!

Ademáis polo Samaín alumnado e profesorado acudiron disfrazados ao IES!

E xa por último o voluntariado da biblioteca e club de lectura fixeron unha exposición de libros e bandas diseñadas de terror. Cal vos animades a ler?

Este é o mural realizado polo alumnado de 1º de ESO en Educación Plástica e Visual

"Sorpresa terrorífica de Samaín en 2ºA"

O alumnado de 2º de ESO A sorprendeunos cun decorado de aula ambientado no Samaín co que arrepiaron e sorprenderon aos seus profesores.

Encontros Literarios

Este curso a Biblioteca do IES de Quiroga xunto co Club de Lectura participan no Proxecto "Encontros Literarios".

A Dirección Xeral do Libro, do Cómic e da Lectura pon en marcha a segunda parte do programa de actividades literarias en institutos e centros de Ensinanza Secundaria Obrigatoria para o 2023. Estos programas proporcionaron excelentes resultados ata o de agora. Non só contribúen a mellorar o coñecemento da nosa literatura, senón que supoñen unha oportunidade única para achegar a autores de recoñecida traxectoria aos centros de ensinanza.

Acudirá ao IES de Quiroga o vindeiro 30 de outubro Manuel Núñez Singala, que gañou o premio Clubs de Lectura 2023 por ser o escritor galego máis leído nas bibliotecas escolares durante o curso pasado. Autor da obra de teatro "Atranco no banco", que xa o pasado curso no Club de Lectura do IES de Quiroga foi unha das obras lidas no último trimestre.

O alumnado de 1º e 2º ESO preparou a esperada visita de Núñez Singala realizando unha serie de actividades que xiraron o redor do libro "Atranco no Banco", un libro de comedia de xénero: teatro.

• Lectura individual do libro en coordinación co Club de Lectura do IES de Quiroga.
• Lectura grupal de fragmentos do libro onde o alumnado leu e representou diferentes actos da obra e analizaron, entre todos e todas: que temas trata, cal é a estrutura do libro, diferencias entre unha obra de teatro e unha novela, que estereotipos aparecen en cada personaxe e analizaron a personalidade de cada un deles.

• Deseño dunha nova portada: formáronse varios grupos de deseño onde rediseñaron unha nova portada do libro dende distintos estilos como o manga ou a animación.

• Final alternativo: o alumnado formou varios grupos de guionistas onde tiveron que reescribir e representar un final alternativo para o libro que compartiron co resto da clase.
• Unha nova historia: Entre os 3 grupos reescribiron unha nova historia partindo do título do libro “Atranco no banco”. Desta forma, o alumnado de 1º ESO escribiu a introdución desta nova historia, 2º ESO A escribiu o nó e 2º ESO B a conclusión e final da historia.
•  Entrevista na Radio “Onda Brava” do IES de Quiroga. Dúas alumnas foron as encargadas de escribir e realizar unha entrevista na Radio do instituto a Manuel Núñez Singala onde lle preguntaron pola súa vida de escritor, recomendacións de libros así como por temas nos que el profundiza nos seus libros como o uso do galego ou o seu traballo na Universidade de Santiago de Compostela.
• Charla Manuel Núñez Singala co alumnado de 1º e 2º da ESO. Onde falamos da importancia de coidar a nosa lingua, a sorte que temos os galegos de ter dous idiomas de xeito natural e de claves para ser escritor!

Ligazón á entrevista

• Charla Manuel Núñez Singala co alumnado de 1º e 2º da ESO. Onde falamos da importancia de coidar a nosa lingua, a sorte que temos os galegos de ter dous idiomas de xeito natural e de claves para ser escritor!

24 de outubro- Día de las bibliotecas

 O día 24 de outubro celébrase o Día das Bibliotecas, o lemas deste ano "Tecendo comunidades", para destacar o papel das bibliotecas na construción de lazos dentro das nosas comunidades.

O alumnado voluntario e membros do club de lectura fixo unha selección de libros na que a súa temática fose as bibliotecas, os libros, para facer unha fermosa exposición.

O alumnado de 1º e 2º de ESO acudiu nesta xornada á Biblioteca para traballar coa obra de Manuel Núñez Singala, Atranco no banco, facendo unha nova portada, creando outro final para esta obra de teatro.

DÍA DAS ESCRITORAS. "O pracer, a ledicia e a risa das mulleres"

 Este luns, 16 de outubro celebramos o Día das Escritoras, o lema deste ano é "O pracer, a ledicia e a risa das mulleres".

Desde o ano 2016 búscase reivindicar o labor e o legado das escritoras a través da historia. Este día celébrase o luns máis cercano ao 15 de outubro, aniversario do falecimento de Teresa de Jesús.

Os voluntarios e as voluntarias da biblioteca xunto cos membros do club de lectura, seleccionaron  libros da biblioteca para realizar unha exposición de poetas, dramaturgas e narradoras galegas, de fala hispana e estranxeiras.

O noso alumnado fíxolle unha pequena  homenaxe as nosas escritoras coa lectura de diferentes fragmentos das súas obras.

   

"Quiroga, territorio literario"

 O pasado domingo 1 de outubro, representantes da biblioteca e do club de lectura de adultos, participaron no roteiro denominado “Quiroga, territorio literario”. Ademáis dos relatores Celia Díaz e Xosé Estévez, participou a Fundación Legar da man de Xavier Blanco e as voces do alumnado do CEIP e do IES de Quiroga. 

O club de lectura gaña o 2º PREMIO NACIONAL

  “Todo esforzo ten a súa recompensa” e nós tivemos unha grandísima con este recoñecemento a nivel nacional gañando o 2º premio Club de Lectura!

Noraboa a todos/as os alumnos/as, profes e familias que participastes, Aldara  como coordinadora do club e ao equipo de biblioteca do IES de Quiroga polo traballo feito en equipo durante todo o curso.

O premio é un gran recoñecemento pero o máis importante foi o tempo que pasamos lendo, rindo, debatindo e disfrutando da cultura.

Este ano seguiremos cun novo Club de Lectura e moitas novidades!

Noticia web XUNTA

Noticia El Progreso