Reunión de maio do Club de Lectura

Este mércores, 26 de maio, o Club de Lectura volveuse reunir. Esta xuntanza, seguramente a penúltima do ano (ou a última presencial se os exames nos pillan apurados) tivo unha dobre finalidade.

Por un lado tiñamos que comenta-los libros que se leron nesta terceira avaliación (inda non todos acabaron todos) e acabar de comentar os que se leron na segunda e que algúns inda non remataran, e, pola outra banda, pasarlles ós membros un papel no que poidan facer suxerencias de libros que queren ler no verán. .

Deste modo os membros do club poden suxerir títulos do seu gusto para ler no verán, xa que con tódalas suxerencias poderemos facer unha "maleta de verán" da que tódolos membros poderán levar exemplares para que a actividade do club non se interrumpa durante o verán

REUNIÓN DE FINAL DE TRIMESTRE DE LIBROMANÍA E OBRADOIRO DE POESÍA

No final do segundo trimestre hubo unha nova xuntanza do club de lectura no que, ademáis de comentar brevemente (inda non todos tiñan acabadas as lecturas) os libros desde trimestre, aproveitouse para presentar cales serían os libros de lectura do último trimestre. 

 

Libros do club de lectura para o 2º trimestre

Neste trimestre leremos Chamábase Luis de Marina Mayoral. Este libro presenta a problemática da drogadicción dende os múltiples puntos de vista das personaxes que compartiron dalgún xeito a vida de Luis. A partires de aí distintas opinións e vidas van aparecendo ante os nosos ollos. É un libro que fai ameno o relato da realidade cotiá cunha estrutura literaria traballada.

Be water de Antía Yáñez é unha distopía futurista na que o ben máis preciado é a auga. A autora preséntanos as arelas e os anceios de levar unha vida mellor nun mundo moi marcado polo autoritarismo e a desesperanza. Intenta ser unha reinvidicación dun mundo máis xusto.

Reunión do Club de Lectura

  Neste primeiro trimestre os libros elexidos para ler foron:

• El salón de ámbar de Matilde Asensi, unha novela na que seguimos as andanzas dun grupo de ladróns que investigan para facerse con pezas de arte excepcionais.

• El color de la magia de Terry Pratchett, unha fantasía sobre un universo alternativo que está cargada de autoironía sobre o xénero fantástico.

Na reunión que tivemos para poñelos en común tratamos sobre se desfrutamos léndoos (o máis importante) e tamén sobre que tipo de literatura son esta clase de novelas, qué excitan da nosa imaxinación, que temáticas nos gustaría ler (ou para escribir sobre elas), e que clase de sentimentos nos provocaron. Tamén comentamos que universos ou que aventuras nos gustaría imaxinar a nós e se engadiríamos algún aspecto ás dúas novelas.

Que a lectura non pare!

Boas a todos/as:

Debido á situación de confinamento na que nos atopamos pola crise que está a sacudir o país, dende o Club de Lectura do IES de Quiroga queremos que sigades mantendo a vosa mente activa. Como? Lendo!
Estes días recibimos nos nosos móviles moitas iniciativas, así que recollemos a continuación as relacionadas directamente coa lectura:

- Fomento á lectura dende Facebook: con acceso a unha ampla lista.
- Planeta de libros: dende a editorial Planeta, irán actualizando a lista de títulos dispoñibles a un "click".
- Un portal de clásicos: a Biblioteca Virtual Miguel de Cervantes. Sempre é un bo momento para ler Don Juan Tenorio, por exemplo.
- Roca Editorial: con acceso a títulos de temáticas moi variadas: tenis, fútbol, nazismo, detectives... Tedes que pinchar en cada libro: algúns son gratuitos e outros teñen unha gran baixada de prezo no formato electrónico.
- Blakie Books: autores comparten, voluntariamente e a través de Twitter, algúns dos seus libros en odf. O primeiro, James Rhodes con Instrumental.
- Penguin Random: una vez a la semana regalarán audiolibros: uno para público adulto y otro para público infantil.
- Editorial Anagrama: ofrece cinco libros electrónicos para comprar gratuitamente.
- Errata Nature: editoria que libera outros quince títulos máis, clasificados por temáticas e xéneros. Moi, moi interesante.
- Editorial Kailas: cada semana, tres novos títulos.
- Sportula: editorial que ofrece Narrativa breve para una cuarentena.
- Esdrújula Ediciones: selección de libros gratis (e algúns moi económicos).
- Dolmen: indican que cada día ofrecerán un libro. Nestes intres non funciona o enlace. Estaremos antentos!
Para os mais pequenos:
- Pintar-Pintar editorial: libros infantís, preciosos e ilustrados, para ler en rede e traballar a imaxinación dos máis pequenos da casa.

Para os amantes do cómic:
- Editorial Hirukoa: hai moitos gratuitos e outros a precios módicos (entre os 0,99 e os 4,99 euros).
- Karras: cómic, cómic e cómis gratuitos en formato pdf ata o 30 de marzo.
- Astiberri ediciones: ofrece o cómic La balada del norte. 


Agradecemos ao blog de Julián Marquina a súa lista, que nos permitiu engrosar moi rapidamente as nosas primeiras referencias. Ao final da entreada do seu blog, recopila tamén algúns autores que ofrecen algunha das súas publicacións: Rosa Montero, Juan Gómez-Jurado, Blas Ruiz Grau... Non deixedes de visitar o blog de Marquina!

Seguiremos engrosando a lista!
Mentres tanto.....esperamos que estedes ben e cumprindo as recomendacións santiarias do mellor xeito posible.

Apertas!

En febreiro rematamos a lectura de George. Simplemente sé tú mismo, un texto que invita a reflexionar, pois nin todo é o que parece nin sempre resulta doado que todo pareza como é.
Ademais, achegámonos a una composición literaria moi diferente ás vistas ata agora: El libro negro de los colores. Trátase dunha obra nun soporte clásico (libro apaisado) cuxo título contrasta coa súa estética: un libro de cores no que todo sexa negro? A paradoxa está sobre a mesa e nas nosas mans está o descubrilo. E nunca mellor dito, xa que se trata dunha experiencia lectora que combina o alfabeto latino co sistema de escritura braille para describir as cores sen velas. Como explicar a alguén que non ve que é a cor vermella? A porta a outras percepcións queda aberta.

Ao preguntar aos nosos lectores que querían ler, suxeriron amor, intriga, actualizade.... Así que seleccionamos Descoñecidos, de David Lozano. Acertaremos?

Collendo de novo o ritmo

O último día do mes de xaneiro, a sección de adultos tivo a xuntanza de comentario de La villa de las telas, de Anne Jacobs, tal como estaba previsto. Desta volta conseguimos manter a data e estar a maioría do grupo. 

Aínda que non se pode dicir que esta obra tan exitosa de trama romántica un tanto predecible nos enchese o ollo, para falar foi dando, e houbo mesmo que non se decatou de que xa a tiña lido, ata que xa a comezara de novo... que cabeciñas lectoras  ;-) 

Agora imos ler Seique, de Susana Sánchez Aríns, e Orgullo y prejuicio, de Jane Austen. E iso que había quen tiña moito interese no cómic de Ana Moreira Madialeva, como podedes ver na foto... Seguro que logo cae!